Guddoomiye Ku-xigeenka Arrimaha Bulshada ee Degmada Kismaayo, Mudane Najiib Barre Salaad, ayaa si rasmi ah u daahfuray kulan muhiim ah oo lagu qiimeynayo tayeynta iyo nadaafadda guud ee degmada Kismaayo. Kulankan ayaa diiradda lagu saaray kor u qaadidda bilicda magaalada, hagaajinta nadaafadda deegaanka, iyo dhiirigelinta ka qaybgalka bulshada ee arrimaha hormarinta deegaanka. Munaasabadda ayaa lagu soo bandhigay qorsheyaal wax ku ool ah oo lagu hirgelin doono nadaafad guud iyo kor u qaadidda fayo-dhowrka magaalada. Guddoomiye ku-xigeenku waxa uu xusay muhiimadda ay leedahay in la yeesho magaalo nadiif ah oo leh jawi caafimaad leh, taas oo gacan ka geysaneysa horumarka nololeed…
Author: rbnnews
Guddiga doorashooyinka Puntland ee PEC ayaa si rasmi ah ugu wargeliyay dhammaan Xisbiyada Siyaasadda Puntland in ay qabtaan shirwayneyaashoodii kuna soo doortaan hoggaanka sare ee Xisbiyada (Guddoonka iyo Guddiyada Xisbiyada), muddo sadex (3) bilood gudahood ah laga bilaabo taariikhda qoraalkani soo baxay. Guddiga PEC oo warsaxaafadeed soo saaray ayaa Xisbiyada Siyaasadda u soo jeediyay in doorashooyinkaasi ay noqdaan kuwo xor iyo xalaal ah, loogana gol leeyahay dimoqraadiyeynta hoggaanka Xisbiyada iyo xoojinta isla xisaabtanka gudaha xisbiyada, waxayn sidoo kale Xisbiyada ku wargeliyeen in ay ugu yaraan 14 cisho ka hor guddiga soo ogeysiiyaan doorashadooda iyo goobta ay ka dhacayso. Guddiga Doorashooyinka…
Madaxweyne Ku-xigeenka Galmudug Cali Daahir Ciid iyo Guddoomiyaha Hay’adda Maareynta Musiibooyinka Qaranka ee (SoDMA), Maxamuud Macalin Cabdulle oo ku kulmay xarunta dhexe ee hay’adda ayaa kawada hadlay xaaladaha adag ee bani’aadannimo ee ka jira qaar ka mid ah deegaannada Galmudug, gaar ahaan kuwa ku dhow xuduudda Itoobiya. Madaxweyne ku-xigeenka Galmudug ayaa sheegay in dad badan ay wajahayaan dhibaatooyin nololeed oo u baahan gargaar degdeg ah, isagoo codsaday in si dhaqsi leh loo gaarsiiyo taageero bani’aadannimo. Sidoo kale labada masuul ayaa kulankooda diirada ku saaray muhiimadda ay leedahay horumarinta dhaqaalaha deegaanka, iyagoo xusay fursadaha dhinaca xoolaha ee Galmudug ka jira. Madaxweyne…
Hantidhowrka Guud ee Soomaaliya Axmed Ciise Guutaale iyo dhiggiisa Maxkamadda Xisaabta ee Jamhuuriyadda Turkiga (TCA), ayaa magaalada Ankara ku kala saxiixday heshiis is-afgarad (MoU) oo ku saabsan arrimaha kala ah: 1. Is-dhaafsiga xirfadaha iyo culuumta la xiriirta manhajka iyo habraacyada fulinta hantidhowris madaxbannaan, iyo korjoogteynta hannaanka maareynta maaliyadda guud ee qaranka, iyadoo hay’ad walba ay raacayso sharciyada iyo xeerarka u degsan dalkeeda. 2. Wadaagga waayo-aragnimada la xiriirta baarisyada waxqabadka, u hoggaansanaanta sharciga, nidaamyada macluumaadka tiknoolajiyadda, heshiisyada dheef-wadaagga iyo falanqeynta xogaha. 3. Wada-fulinta cilmi-baarisyo ku saabsan horumarinta xirfadaha hantidhowrka iyo tayeynta hantidhowrayaasha. 4. Suuragelinta waxbarashada heerarka Master’s iyo PhD ee la…
Golaha Wasiirrada Xukuumadda Jamhuuriyadda Federaalka Soomaaliya, oo maanta yeeshay kulankoodii caadiga ahaa, ayaa ansixiyey xubnaha Guddiga Tacliinta Sare ee Qaranka oo lagu soo xulay si hufnaan iyo caddaalad ah. Guddiga ay soo gudbisay Wasaaradda Waxbarashada, Hiddaha iyo Tacliinta Sare, ayaa ka kooban 15-xubnood oo ah aqoonyahanno leh karti, khibrad iyo waayo aragnimo la xiriirta arrimaha waxbarashada iyo maamulka, kuwaas oo ka shaqeyn doona horumarinta hey’adaha tacliinta sare ee dalka, waxaana ay kala yihiin: 1. Dr. Cabdinuur Maxamud Guddoomiyaha Guddiga 2. Dr. Maxamed Cali Faarax Guddoomiye Kuxigeenka Guddiga 3. Dr. Ayaan Sh. Cabdullaahi Maxamed Xubin 4. Dr. Axmed Adam Maxamed Xubin…
Wafdi uu hoggaaminayey Agaasimaha Kuxigeenka Madaxtooyada, Mudane, Maxamed Amiin Sheekh Cusmaan, ayaa soo gabagabeeyey booqasho rasmi ah oo labo maalmood qaadatay oo ay ku tageen dalka Azerbaijan, taasoo ujeedkeedu ahaa in lagu barto qaabka adeeg bixinta ASAN ee si weyn loogu amaanay caalamka, si loogu dabaqo dadaallada dib-u-habeynta hay’adaha dowladda Soomaaliya. Booqashadan oo dhacday 7–8-da Luulyo 2025, waxay daba socotay Heshiis Is-afgarad (MoU) oo la kala saxiixday intii uu socday booqashadii Madaxweynaha Jamhuuriyadda Federaalka Soomaaliya, Mudane Xasan Sheekh Maxamuud, uu bishii Febraayo 2025 ku tagay magaalada Baku. Heshiiskaas ayaa dhigayay iskaashi u dhexeeya Xafiiska Madaxweynaha Soomaaliya iyo hay’adda dowladda Azerbaijan…
Wasiirka Shaqada iyo Arrimaha Bulshada ee Xukuumadda Federaalka Soomaaliya, Mudane Xildhibaan Yuusuf Maxamed Aadan, ayaa kulan la qaatay Wasiirka Shaqada iyo Xirfadaha dalka Itoobiya, Marwo Muferihat Kamil Axmed. Kulanka ayaa diiradda lagu saaray xoojinta iskaashiga labada dal, gaar ahaan arrimaha shaqo-abuurka, horumarinta xirfadaha, iyo tayeynta suuqa shaqada ee Geeska Afrika. Sidoo kale, Wasiir Yuusuf ayaa kulan gaar ah la yeeshay Madaxa African Electronic Trade Group (AeTrade), Mudane Mulualem Syoum, iyadoo kulankaasi lagu falanqeeyay sidii loo xoojin lahaa wada-shaqeynta labada dhinac, gaar ahaan barnaamijyada shaqo-abuurka iyo xirfad-siinta dhallinyarada Soomaaliyeed si loo horumariyo mustaqbalkooda. Ugu dambeyn, waxaa lagu heshiiyay in la dhiso…
Wasiirka Wasaaradda Dhallinyarada iyo Sportiga XFS Md. Maxamed Cabdulqaadir Cali iyo wafdi uu hogaaminaayo ayaa gaaray magaalada Cammaan ee xarunta dalka Jordan si uu kaga qeybgalo daahfurka istaraatiijiyadda carbeed ee Dhallinyarada, Nabadda iyo Amniga (Arab Strategy for Youth, Peace and Security). Wasiirka ayaa ka qeybgalay munaasabadda daahfurka istaraatiijiyadda oo ay kasoo wada qeybgaleen wasiirrada Dhallinyarada iyo Isboortiga ee dalalka Carabta. Magaalada Cammaan ayaa sidoo kale sanadkaan noqotay caasimadda dhallinyarada Carabta. Wasiirka inta uu joogo magaalada Amman, waxa uu kulamo la qaadan doonaa wasiirrada dhiggiisa ah iyo hey’adaha caalamiga ah si uu warbixin kaga siiyo qorshaha Dhallinyarada, Nabadda iyo Amniga Soomaaliya…
Guddoomiyaha Hay’adda Maareynta Masiibooyinka Qaranka ee Soomaaliya (SoDMA) Md Maxamuud Macalin Cabdulle ayaa kulan miro-dhal ah la qaatay Safiirka Jamhuuriyadda Shacbiga Shiinaha u fadhiya Soomaaliya. Kulankaan ayaa diiradda lagu saaray xoojinta iskaashiga labada dal ee dhinacayada -Kordhinta awoodda u diyaargarowga iyo ka jawaabista xaaladaha degdegga ah -Taageeridda dib-u-dhiska kaabayaasha muhiimka ah -Horumarinta nolol waarta oo loo sameeyo bulshooyinka nugul Iskaashigan ayaa ah tallaabo muhiim ah oo horay loogu qaaday dadaallada SoDMA ee lagu xoojinayo maaraynta masiibooyinka iyo wax ka qabashada xaaladaha degdegga ah ee dalka ka jira.
Hay’adda Tadamun iyo Xarunta Gargaarka iyo Arrimaha Bini’aadantinimada ee Boqor Salman ayaa kala saxiixday heshiis lagu dhisayo 200 oo guri, xarun caafimaad, masjid, dugsi, biyo gelin iyo waddooyin, waxaana laga hirgelinayaa deegaanka Luglow ee waqooyiga magaalada Kismaayo. Ujeeddada mashruuca ayaa ah in guryo iyo adeeg nololeed loo helo barakacayaasha ay saameeyeen fatahaadda webiga Jubba.